معاناتي
—————
يالله ياللي تعلم السر والغيبي
تفرج لعينٍ كثير الدمع صاحبها
أمشي مع النَّاس والدنيا تجاريبي
وهموم قلبي على ربي تكالبها
مثلي يفجَّ البحر ما يذخر الطيبي
يركي على الكايدة ويتلِّ غاربها
يومٍ ظهر ما جرالي من معازيبي
ناسٍ تحطَّ الطَّعون بكبد طيبها
ناسٍ تعدَّ الخطاوي في عذاريبي
مقدر عليها عسى ربِّي يحاسبها
لا جبت رايٍ يقولوا ما هو مصيبي
ولا جيت دربٍ تحدَّتني مصايبها
أمشي مع الذيب وجروحي معاطيبي
ورزاقنا عند رب الكون حاسبها
ليست هناك تعليقات:
إرسال تعليق